ޕާކިސްތާންގެ ސަރުކާރު ހިންގުމަށް ދަތިކުރުމަށް އިމްރާން ޚާން ގެންގުޅުއްވާ ރޭވުމުގެ ތެރޭން އޭނާގެ ތަހްރީކޭ އިންސާފް ޕާޓީގެ 123 މެމްބަރުން ޕާލަމްނޓްގެ ދަށުގެ ނޭޝަނަލް އެސެމްބްލީން އިސްތިއުފާ ދިނުމަށް ނިންމައިފިއެވެ. ޕީޓީއައިގެ ލީޑަރު ފައްރުޚް ހަބީބް މިއަދު ވިދާޅުވީ، އޭނާގެ ޕާޓީގެ 123 މެމްބަރުންގެ އިސްތިއުފާ ނޭޝަނަލް އެސެމްބްލީގެ ވަގުތީ ރައީސް ޤާސިމް ސޫރީ ގަބޫލުކުރައްވާފައިވާ ކަމަށެވެ.
އިމްރާން ޚާންގެ ސަރުކާރުގައި ކުރިން ސްޓޭޓް މިނިސްޓަރުކަން ކުރެއްވި ހަބީބް ވިދާޅުވީ، އޭނާގެ ޕާޓީގެ މެމްބަރުން ހުށަހެޅުއްވި އިސްތިއުފާތައް ގަބޫލުކުރެއްވުމާ ގުޅިގެން މިހާރު ޕާކިސްތާންގައި އާންމު އިންތިޚާބެއް ބާއްވަން ލާޒިމުވާނެއެވެ.
