ޕާކިސްތާންގެ ތަހްރީކޭ އިންސާފް ޕާޓީގެ ޗެއާމަން އިމްރާން ޚާން ވަނީ ސިޔާސީ ޕާޓީ ބަދަލު ކުރާ މެމްބަރުންނަށް އިންތިޚާބުގައި އުމުރު ދުވަހަށް ކުރިމަތި ނުލެވޭ ގޮތަށް ހެދުމަށް ސުޕްރީމް ކޯޓަށް މައްސަލައެއް ވައްދަވާފައެވެ.
މިއަދު ޚާން ވެއްދެވި މައްސަލާގައި އޭނާ ބޭނުން ފުޅު ވަނީ ގާނޫނުއަސާސީގެ 63ވަނަ މާއްދާގެ ހ. މާނަ ކޮށްދެއްވައި ޕާޓީ ބަދަލު ކުރުމުން މެމްބަރުންނަށް އުމުރަށް އަދަބު ދިނުމަށެވެ.
އިމްރާން ޚާންގެ ދައުވާގެ ކޮޕީއެއް ޕާކިސްތާނުގެ އިލެކްޝަން ކޮމިޝަނާއި، ނޭޝަނަލް އެސެމްބްލީގެ ރައީސަށާއި، ޕާކިސްތާނުގެ ކެބިނެޓް ސެކްރެޓަރީ އަށް ފޮނުއްވާފައެވެ. އަދި މިދައުވާއަށް ޖަވާބުދާރީވާ ފަރާތްތަކުގެ ގޮތުގައި މިނިސްޓްރީ އޮފް ލޯ އެންޑް ޖަސްޓިސް ހިމަނުއްވާފައި ވެއެވެ.
