މައްކާގެ މަސްޖިދުލްޙަރާމްގެ ސައުންޑް ސިސްޓަމަކީ ދުނިޔޭގައި އެއްތަނެއްގައި ބަހައްޓާފައިވާ އެންމެ ބޮޑު ސައުންޑް ސިސްޓަމެވެ. މިއީ ގާތްގަނޑަކަށް 7500 އެއްހާ ސްޕީކަރު ބޭނުން ކޮށްގެން މަސްޖިދުލްޙަރާމްގެ އެކި ހިސާބުތަކަށް އަޑު ފޯރުވައިދޭ ގޮތަށް ބަހައްޓާފައިވާ ނިޒާމެކެވެ.
މަސްޖިދުލް ޙަރާމްގެ އިންޖިއަނިރިންގ ޑިޕާޓްމެންޓްގެ ޑިރެކްޓަރ ސަޢީދު އަލްޢުމަރީ ވިދާޅުވާ ގޮތުގައި މަސްޖިދުލްހަރްމާގެ ސައުންޑް ސިސްޓަމަކީ، ތަނުގެ ބޭނުންތަކަށް ޒިޔާރަތް ކުރާ މީހުން އަހުލުވެރިކުރުމަށްވެސް ބޭނުން ކުރާ ނިޒާމެކެވެ. މި ނިޒާމު އޮޕަރޭޓް ކުރުމަށް ތިބެނީ އެންމެ މަތީ ފެންވަރުގައި ތަމްރީނު ލިބިފައިވާ ސްޕެޝަލިސްޓުން ކަމަށް އޭނާ ވިދާޅުވެއެވެ. އޭނާ ވިދާޅުވާ ގޮތުގައި މައި ސިސްޓަމްގެ އިތުރުން، ކުއްލި މައްސަލައެއް ދިމާވެއްޖެނަމަ ބޭނުން ކުރާނެ އެހެން ސިސްޓަމެއްވެސް ގާއިމްކޮށްފައި ވެއެވެ.
މުޅި މި ސައުނޑް ސިސްޓަމް ހިންގުމަށް އިންޖިނިއަރުންނާއި، ޓެކްނީޝަނުންނާއި، ސުޕަވައިޒަރުންނާއި އޮޕަރޭޓަރުންގެ ގޮތުގައި 65 މުވައްޒަފުންނަށް ވުރެން ގިނަ މީހުން އަބަދުވެސް މަސައްކަތުގައި އުޅެއެވެ.
