އިމްރާން ޚާންގެ ވެރިކަމުގައި ލިބިވަޑައިގަތް ބައެއް ހަދިޔާތައް އަމިއްލަ މަންފާއަށް ނަންގަވާފައިވާ ކަމަށް ބޮޑު ވަޒިރު ޝެހެބާޒް ޝަރީފް ތުހުމަތު ކުރައްވައެވެ.
"އަޅުގަނޑަށްޝެހެބާޒް ޝަރީފް ވިދާޅުވީ، އިމްރާން ޚާން ވަނީ ސަރުކާރުގައި ޑިޕްޒިޓް ކޮށްފައި ހުރި 140 މިލިއަން ރުޕީސްގެ އަގުހުރި ހަދިޔާތަކެއް ޑުބާއީއަށް ގެންދަވާފައި އެތަކެތި ވިއްކަވާފައި ކަމަށެވެ. އިމްރާން ޚާން ވިއްކަވާލެއްވި ސާމާނުތަކުގެ ތެރޭގައި ދައުލަތަށް ލިބިފައިވާ އަގުހުރި ޑައިމަންޑް ގަހަނާއާއި ހާރާއި ރަނުން ޖަރީކޮށްފައިވާ ބަޑިއާއި އަނގޮޓީ އަދި ގަޑި ވެސް ހިމެނެއެވެ.
ބޮޑު ވަޒީރު މިވާހަކަތައް ވިދާޅުވެފައި ވަނީ ޚާންގެ ވެރިކަމުގައި ސަރުކާރަށް ލިބުނު ހަދިޔާތަކުގެ ތަފްސީލު ހޯދުމަށް އިސްލާމްއާބާދު ހައި ކޯޓަށް ހުށަހެޅި ދައުވާ އަކާ ގުޅިގެން މައުލޫމާތު ދެއްވަމުންނެވެ. ޖިއޯ ނިއުސްއިން ރިޕޯޓްކޮށްފައިވާ ގޮތުގައި، ދައުލަތުގެ ހަދިޔާތަކުގެ ޑިޕޮސިޓަރީގެ މައުލޫމާތު ހާމަކުރުމަށް އިމްރާން ޚާން ވަނީ ވެރިކަމުގެ ދުވަސްވަރު ދެކޮޅު ހައްދަވާފައެވެ. އަދި ޚާން ވިދާޅުވީ ދައުލަތުގެ ރަސްމީ ސިއްރުތަކާ ބެހޭ 1923 ގެ ގާނޫނު މާއްދާތަކެއްގެ ދަށުން އެ މައުލޫމާތު ނުދެވޭނެ ކަމަށެވެ. ނަމަވެސް ޚާންގެ ޕާޓީގެ މެމްބަރުންވެސް ވަނީ އޭނާ ހަދިޔާތައް ވިއްކެވިކަމަށް އެއްބަސްވެ ވަޑައިގެންފައެވެ.
