ސްވިޑަންގައި ހައްދުފަހަނައަޅާފައިވާ ސިޔާސީލީޑަރަކު، ކީރިތި ޤުރުއާން އަންދާލުމާ ގުޅިގެން ސުއިޑްންގައި މުޒާހަރާތައް ހޫނުވެއްޖެއެވެ. ފުލުހުން ބުނެފައިވާ ގޮތުގައި ދެކުނުގެ ސިޓީއެއް ކަމަށްވާ މަލްމޯގައި ރޭ ހިނގި ސިލްސިލާ ހާދިސާތަކުގައި އުޅަނދުތަކެއްގައި ރޯކޮށްލާފައިވެއެވެ.
ސުއިޑްންގައި ކެނޑިނޭޅި މުޒާހަރާ ކުރަތާ މިހާރު ހަތަރު ދުވަސް ވެއްޖެއެވެ. މި މުޒާހަރަތައް ފެށުނީ މުސްލިމުންނާ ދެކޮޅުވެރި އަދި ބޭރުން ހިޖުރަ ކުރާ މީހުންނާ ދެކޮޅުވެރި ހައްދުފަހަނައަޅާފައިވާ ކަނާތު ފިޔައިގެ ރަސްމުސް ޕަލޫޑާން ކީރިތި ޤުރުއާން އަންދާލުމަ ގުޅިގެންނެވެ.
މިމައްސަލާގައި އިރާގާއި އީރާނު ސަރުކާރުތަކުން ވަނީ އެ ދެގައުމަށް ކަނޑައަޅާފައިވާ އެމްބެސެޑަރުން ފޮރިން މިނިސްޓްރިއަށް ހާޒިރުކޮށްގެން މިކަމަށް އިހުތިޖާޖުކޮށްފައެވެ.
ޕަލޫޑާން ވަނީ 2020ގައިވެސް ނަސްލީ ދެކޮޅުވެރިކަމުގެ މައްސަލައެއްގައި ޖަލަށް ލާފައެވެ. އަދި އޭނާ ގެންދަނީ ޔޫރަޕްގެ އެހެން ބައެއް ސިޓީތަކުގައިވެސް ކީރިތި ޤުރުއާން އަންދާލުމުގެ ހަރަކާތެއް ރޭވުމަށް ތައްޔާރުވަމުން ކަމަށްވެސް އޭނާ ބުނެއެވެ.
ސުއިޑްންގެ ފުލުހުންނާ ހަވާލާދީ ބީބިސީން ބުނެފައި ވަނީ މީގެ ކުރިން ވަރުގަދަ މުޒާހަރތައް ފެނިފައި ވެއެވެ. އެކަމަކު މިހަރު މިފެންނަ ވަރުގެ މުޒާހަރާއަކާ ކުރިން ދުވަހަކުވެސް ކުރިމަތިލާން ޖެހިފައި ނުވާ ކަމަށެވެ.
