ރަޝިޔާގެ ވިޔަފާރި ވެރިންގެ ސަޕޯޓް އޮތް އިނގިރޭސި ބޮޑު ވަޒީރު، ރަޝިޔާއާ ދެކޮޅަށް ފިޔަވަޅު އެޅުމުގައި ހަރުކަށިކަން ދެއްކެވިނަމަވެސް އިނގިރޭސި ރައްޔިތުންގެ ތާއީދު ގެއްލެން ފަށައިފިއެވެ.
ޔޫކްރެއިންގައި ރަޝިޔާއިން ދިން އަސްކަރީ ޙަމަލާއާ ގުޅިގެން ރަޝިޔާއާ ދެކޮޅަށް ހަރުކަށި އިޤްތިޞާދީ ދަތިކުރުމުގެ ފިޔަވަޅުތައް އެޅުމަށް ވަކާލާތުކުރާ އިނގިރޭސިވިލާތުގެ ރައްޔިތުންގެ ޢަދަދު ފާއިތުވި މަހެއްހާ ދުވަހުގެ ތެރޭގައި ދަށަށް ގޮސްފައިވާކަމަށް އައު ޚިޔާލު ހޯދުމުގެ ވޯޓަކުން ދައްކައިފިއެވެ.
ރެޑްފީލްޑް އެންޑް ވިލްޓަން ސްޓްރެޓެޖީސް އިން ކުރިއަށް ގެންދިޔަ މި ސާވޭއިން ދައްކާ ގޮތުގައި ރަޝިއާ އަށް ދަތިކުރުމަށް ތައީދުކުރަނީ އެންމެ 36 ޕަސެންޓް މީހުންނެވެ. މިއީ މާޗް މަހުގައި ނަގާފައިވާ ޚިޔާލު ހޯދުމަސް ވުރެން 14 ޕަސެންޓް ދަށް އަދަދެކެވެ.
މި ޚިޔާލު ހޯދުމުގައި ބައިވެރިވި މީހުންގެ ނުތަނަވަސްކަމަކީ އެމީހުންގެ ދިރިއުޅުން ދަތިވުމެވެ. 54 މީހުން ބުނެފައި ވަނީ ކުރިއަށް ވުރެން އެމީހުންގެ ހާލަތު އިތުރަށް ގޯސްވެފައިވާ ކަމަށެވެ. އަދި 62 އިންސައްތަ މީހުން ބުނަނީ މި ދަގޮތަށް ދާނަމަ އެމީހުން އިތުރަށް ފަގީރުވާނެ ކަމަށެވެ.
ފެބްރުއަރީ މަހުގެ 24 ވަނަ ދުވަހުން ފެށިގެން ދުނިޔޭގެ ބާޒާރުގައި ތެލުގެ އަގު ވަނީ 2008 ވަނަ އަހަރުގެ އަގުތަކާ އެއްވަރަކަށް މަތިވެފައެވެ. ބުރާސްފަތި ދުވަހުވެސް ފީފާއެއް އުޅުނީ 111 ޑޮލަރުގައެވެ.
