ކޮވިޑް-19ގެ ކާރިސާއަށް ނިމުމެއް ގެނައުމަށާއި، މުސްތަގުބަލުގައި ކުރިމަތިވެދާނެ ސިއްޙީ ކާރިސާއަކަށް ތައްޔރުވުމަށް ބައިނަލްއަގުވާމީ ފެންވަރުގައި ބާއްވާ ސަމިޓެއް މެއި މަހުގެ 12 ގައި އޮންނާނެއެވެ.
ވައިޓް ހައުސްއިން އިންތިޒާމް ކުރާ މި ސަމިޓާ ގުޅިގެން މައުލޫމާތު ދެމުން ވައިޓް ހައުސްއިން ބުނީ، އެމެރިކާގެ ރައީސް ޖޯ ބައިޑަން ގެންދަވަނީ، އާމަލަމީ ވަބާއާ ކުރިމަތިލުމަށް ކޮންގްރެސްއިން ބޭނުންވާ ފައިސާ ހޯދުމަށް މަސައްކަތް ކުރައްވަމުނެވެ.
މަޖާޒީކޮށް ބާއްވާ މި ސަމިޓްގެ ރިޔާސަތު ބަލަހައްޓާނީ އެމެރިކާއިންނެވެ.
މި ސަމިޓްގެ ސަބަބުން، ކޮވިޑް-19ގެ ބަލިމަޑުކަމުގެ އެންމެ ބާރަށް ފެތުރޭ ފޭސް ނިމުމަކަށް ގެނެސް، މުސްތަގުބަލުގައި ސިއްހީ ނުރައްކާތަކަށް ތައްޔާރުވުމަށް އެންމެން ގުޅިގެން ކުރަމުންދާ މަސައްކަތްތައް ދެގުނައަށް އިތުރުވެގެންދާނެ ކަމަށް އެމެރިކާއިން ބުނެއެވެ.
ކޮވިޑްގެ އާލަމީ ވަބާއިން ހަ މިލިއަނަށްވުރެ ގިނަ މީހުން މަރުވެފައި ވެއެވެ. އަދި ދުނިޔޭގެ ބޮޑެތި އިޤްތިޞާދުތަކާއި ވިޔަފާރީގެ ޕެޓާންތަކަށް ބޮޑެތި ލޮޅުންތަކެއް އަރައި، މި ބަލިމަޑުކަން ފެތުރެން ފެށިފަހުން މި ވީ ދެ އަހަރު ދުވަހުގެ ތެރޭގައި މުޅި ދުނިޔެ ހުއްޓުމަކަށް އައިސްފައި ވެއެވެ.
