ޔޫރަޕިއަން ކޮމިޝަންގެ ރައީސް އުރުސުލާ ވޮން ޑަރ ލެޔެން މިމަހު އިންޑިއާއަށް ރަސްމީ ދަތުރުފުޅެއްގައި ވަޑައިގަތުމަށް ހަމަޖެހިއްޖެއެވެ. އެކަމަނާ އިންޑިއާއަށް ވަޑައިގަންނަވާނީ ދެ ދުވަހުގެ މުއްދަތަށެވެ. މި ދަތުރުފުޅުގައި މި މަހުގެ 24 އަދި 25 ވަނަ ދުވަހު އިންޑިއާގެ ފަރާތްތަކާއެކު ރަސްމީ މަޝްވަރާތައް ބާއްވަވާނެއެވެ.
މިއީ އެކަމަނާ އީޔޫގެ ކޮމިޝަނަރުގެ ހައިސިއްޔަތުން އިންޑިއާއަށް ކުރައްވާ ފުރަތަމަ ދަތުރުފުޅެވެ.
އެކަމަނާގެ މި ދަތުރުފުޅުގައި އިންޑިއާގެ ބޮޑުވަޒީރު ނަރެންދުރަ މޯދީއާއި އިންޑިއާގެ ރައީސް ރާމް ނާތު ކޯވިންދާއި، އެކްސްޓާނަލް އެފެއާޒް މިނިސްޓަރާ އަދި ބައެއް އިއްޒަތްތެރިންނާ ބައްދަލުކުރައްވާނެއެވެ.
މި ދަތުރުފުޅުގައި، އިންޑިއާއިން ބާއްވާ ކޮންފަރެންސް "ރައިސީނާ ޑައިލޮގްސް" ގެ ޝަރަފުވެރި މެހެމާނެއްގެ ގޮތުގައި އެކަމަނާ ވާހަކަ ދެއްކެވުމަށް ހަމަޖެހިފައި ވެއެވެ.
އިންޑިއާއާއި އީޔޫއާ ދެމެދު ގުޅުން އިތުރަށް ބަދަހި ކުރުމަށް މަޗްވަރާ ކުރެވޭނެ ކަމަށްވެސް އިންޑިއާގެ އެކްސްޓާނަލް އެފެއާޒް މިނިސްޓްރީން ބުނެއެވެ.
އިންޑިއާއިން ބުނާ ގޮތުގައި އިންޑިއާ އީޔޫގެ ޕާޓްނަޝިޕަކީ ސިޔާސީ އަދި ސްޓްރެޓީޖިކް ޕާޓްނާޝިޕެއް ކަމަށާއި އަދި ވިޔަފާރިއާއި މޫސުމީ ބަދަލުތަކާއި ސުމޭކް ޓެކްނޮލޮޖީ ގެ ޕާޓްނާޝިޕެކެވެ.
އިންޑިއާ އީޔޫގެ ލީޑަރުން އެންމެފަހުން ބައްދަލުވުމެއް ބާއްވަވާފައި ވަނީ 2021 ވަނަ އަހަރުގެ މެއި މަހު އެވެ. އެ ބައްދަލުވުމުގައި ވިޔަފާރީގެ މަޝްވަރާތައް އަލުން ފެށުމަށާއި، އިންޑިއާ-އީޔޫ ކަނެކްޓިވިޓީ ޕާޓްނަރޝިޕް ފެށުމަށް ނިންމިއެވެ.
