ޗައިނާގެ ފޮޓޯގްރާފަރަކު 14 އަހަރަށް ޖަލަށް ލާން ހުކުމް ކުރީ ޖާސޫސް ކުރުމާއި ގާނޫނާ ޚިލާފަށް ބޭރު ގައުމެއްގެ މީހަކަށް ދައުލަތުގެ ސިއްރުތައް ދިނުމުގެ ކުށުގައެވެ. މިމީހާ ޖަލަށް ލާން ޙުކުމް ކޮށްފައި ވަނީ މިދިޔަ އޭޕްރީލް މަހުގެ 16 ވަނަ ދުވަހު އެވެ.
ޗައިނާގެ ރައްޔިތެއް ކަމަށްވާ ހުއާންގް ބރު މީހަކަށް މި މައުލޫމާތު ދީފައި ވަނީ ވީޗެޓް މެދުވެރިކޮށެވެ. ބޭރު މީހާއަކީ، "ސިސްޓަރ ޝީ" ގެ ނަމުން ނަން ދީފައިވާ މީހެކެވެ.
ހުއާންގ ވަނީ ކައިވެނި ފޮޓޯތަކެއް ނެގުމުގެ ބަހަނާގައި، ޗައިނާގެ އަސްކަރީ ބަނދަރުތަކާއި ހަނގުރާމަ މަތީ ބޯޓުތައް ފޮޓޯ ނަގާފައެވެ. އޭނާގެ މައްޗަށް ތުހުމަތު ކުރެވުނީ، ބޭރު މީހާއަށް 384 ފޮޓޯ ފޯރުކޮށްދީ، އަދި އޭގެ ބަދަލުގައި 40،000 އަށް ވުރެ ގިނަ ރެމިންބީ އުޖޫރައިގެ ގޮތުގައި ލިބި ގަތުމެވެ.
"ސިސްޓަރ ޝީ"ގެ އިރުޝާދުގެ ދަށުން ހުއާންގް މި މައުލޫމާތު ފޯރުވައި ދިނުމަށް މަސައްކަތް ކޮށްފައި ވަނީ ޖުލައި 2019 އިން މެއި 2020 އާ ދެމެދުގައެވެ.
އޭނާއަށް ޙުކުމް ކޮށްފައި ވަނީ 14 އަހަރަށް ޖަލަށް ލުމަށާއި 5 އަހަރު ވަންދެން ސިޔާސީ ހައްގުން މަހުރޫމް ކުރުމަށެވެ.
