ޓީޗަރުންގެ މުސާރައަށް ގެނައި ބަދަލަކީ، ޤައުމު ބިނާކުރުމުގެ ގޮތުން ގެނައި ވަރަށް މުހިންމު ބަދަލެއްކަމަށް ރައީސް އިބްރާޙިމް މުހައްމަދު ސޯލިހް ވިދާޅުވެއްޖެއެވެ.
އެކަން އިއުލާން ކުރައްވާ ރައީސް ވިދާޅުވީ ޓީޗަރުންގެ މުސާރައަށް ގެނައި ބަދަލުގެ އެންމެ މުހިންމު ބޭނުމަކީ އިތުރު ގަޑީގެ ފައިސާއާ ނުލައިވެސް އެކަށީގެންވާ ރަނގަޅު އުޖޫރައެއް ގެއަށް ގެންދަން ލިބޭނެވަރު ކޮށްދިނުން ކަމަށާއި މިހާތަނަށް އިތުރު ގަޑީގެ ފައިސާއާއެކީގައި ލިބޭ ވަރަށް ވުރެ ބޮޑު މިންވަރެއް އެ ގެނައި ބަދަލާއެކު ހަމައެކަނި މުސާރައާއި އިނާޔަތްތަކުންވެސް ލިބޭނެ ކަމަށެވެ.
މިއަދު މުސާރައިގެ އާ އޮނިގަނޑު އިއުލާން ކުރާ އިރު، ބައެއް ކެޓަގަރީއަށަ 100 ޕަސެންޓް ބޮޑުވެއެވެ. ޕްރިންސިޕަލުންނަށް ވެސް 82 ޕަސެންޓްގެ ކުރިއެރުމެއް ލިބޭއިރު 30،000ރ ގެއަށް ގެންދަން ލިބޭނެއެވެ.
ޓީޗަރުންނާއި ޕްރިންސިޕަލުންގެ މުސާރައަށް އައި ކުރިއެރުންތައް:
ޓީޗަރުންގެ މުސާރަ:
ރޭންކް 1: 10،000 ރުފިޔާއިން 13،000 ރުފިޔާއަށް (22 ޕަަަސެންޓްގެ ކުރިއެރުމެއް)ރޭންކް 2: 13،000 ރުފިޔާއިން 19،000 ރުފިޔާއަށް (50 ޕަަަސެންޓްގެ ކުރިއެރުމެއް)ރޭންކް 3: 15،000 ރުފިޔާއިން 20،000 ރުފިޔާއަށް (37 ޕަަަސެންޓްގެ ކުރިއެރުމެއް)
ޕްރިންސިޕަލުންގެ މުސާރަ:
ރޭންކް 1 : 16،000 ރުފިޔާއިން 30،000 ރުފިޔާއަށް (82 ޕަސެންޓްގެ ކުރިއެެރުމެއް)
ރޭންކް 2 : 20،000 ރުފިޔާއިން 33،000 ރުފިޔާއަށް (59 ޕަަަސެންޓްގެ ކުރިއެެރުމެއް)
ރޭންކް 3: 12،000 ރުފިޔާއިން އިން 20،000 ރުފިޔާއަށް (38 ޕަަަސެންޓްގެ ކުރިއެރުމެއް)
ޑެޕިއުޓީ ޕްރިންސިޕަލުންގެ މުސާރަ ރޭންކް 1: 13،000 ރުފިޔާއިން އިން 23،000 ރުފިޔާއަށް (78 ޕަަަސެންޓްގެ ކުރިއެރުމެއް)
ރޭންކް 2: 21،00 ރުފިޔާއިން 26،000 ރުފިޔާއަށް (55 ޕަަަސެންޓްގެ ކުރިއެރުމެއް)
