ގަތަރުގެ ވެރިރަށް ދޯހާގައި މިއަދު ސޮއިކުރި ޗާޑްގެ ސިފައިންނާއި ހަނގުރާމަވެރިންގެ ދެމެދުގެ އެއްބަސްވުމުގެ ދަށުން، ރިޔާސީ އިންތިޚާބަކަށް މަގު ފަހިކުރުމުގެ މަޝްވަރާތައް އޮގަސްޓް މަހުގެ 20 ވަނަ ދުވަހު ފަށާނެއެވެ.
ޗާޑްގެ އަސްކަރީ ސަރުކާރުން ސުލްހައިގެ އެއްބަސްވުމުގައި ސޮއިކޮށްފައި ވަނީ 40 އަށް ވުރެ ގިނަ އިދިކޮޅު ޖަމާއަތްތައް ހިމަނައިގެންނެވެ.
އިތުރަށް ކިޔާލުމަށް:
މިދިޔަ އަހަރުގެ މާޗް މަހުން ފެށިގެން ގަތަރުން ދަނީ އިދިކޮޅު ޖަމާއަތްތަކާއި، މަހަމާތު އިދްރީސް ޑެބީ އިޓްނޯގެ އަސްކަރީ ސަރުކާރާ ދެމެދު މެދުވެރިއެއްގެ ބައި އަދާ ކުރަމުންނެވެ. މަހަމާތު ނުވަތަ މުހައްމަދު ވެރިކަން އަތުލައި ގަތީ ބާޣީން ދިން ހަމަލައެއްގައި އޭނާގެ ބައްޕަ ކުރީގެ ރައީސް އަވަހާރަ ވުމުންނެވެ.
ޗާޑްގެ މައި ހަނގުރާމަވެރި ޖަމާއަތް ކަމަށްވާ ފްރަންޓް ފޯ ޗޭންޖް އެންޑް ކޮންކޯޑް އިން ޗާޑް (ފެކްޓް) އިން ވަނީ އެއްބަސްވުމުގައި ސޮއިކުރާން ދެކޮޅު ހަދާފައެވެ.
