އެމެރިކާއިން އިންތިޚާބާ ދިމާކޮށް މެދުއިރުމަތީގައި ސުލްހައިގެ މަސައްކަތުގައި އުދުހެން ފަށައިފިއެވެ. ފަލަސްޠީނުގެ ލީޑާރޝިޕުން ހާމަކުރި މަޢުލޫމާތުން އެނގެނީ، ފަލަސްޠީނު މީހުންގެ ގަތުލުއާންމު ހިންގުމަށް ހަތިޔާރު ދޭ ޤައުމުން ދައްކާ ސުލްހައިގެ ދަޅައަކީ ވަގުތީ ޗަރުކޭހެއް ކަމަށެވެ.
ހަތިޔާރު ސަޕްލައިކުރާ އެމެރިކާއިން ސުލްހައަށް ބާރުއަޅާ މާބޮޑު ފަރާތެއް ކަމަށް ބެރުހަޖަމުން މީޑިއާއަށް ޚަބަރުދީ ހިންގާ ޗަރުކޭހަށް އިޝާރާތްކޮށް ފަލަސްތީނުގެ ލީޑަރަކު ވިދާޅުވީ "އިޒްރޭލާއި އެމެރިކާގެ ހުށަހެޅުންތަކުގައި ދާއިމީ ހަނގުރާމަ ހުއްޓާލުން" ނުވަތަ "ޣައްޒާއިން މުޅިން ސިފައިން" ބޭލުމުގެ އެއްވެސް ވާހަކައެއް ނެތް ކަމަށެވެ.
ފަލަސްތީނުގެ އަމިއްލަ މަސްދަރަކުން މިވާހަކަ އިތުރަށް މީޑއާއަށް ކަށަވަރުކޮށްދެމުން ބުނީ ޒަޔަނިސްޓު އައުވާނުން ހުށަހަޅާ އެއްޗަކީ "ދެ އަންހެނަކާއެކު ފަލަސްޠީނު މީހުން ހިފާފައިވާ ހަނގުރާމައިގެ އަސީރުންގެ ހަތަރު އަސީރަކު ދޫކޮށްލުމުގެ ބަދަލުގައި 10 ދުވަހަށް ހަމަލަތައް ހުއްޓާލައިގެން އަރާމުކުރަން ތިބެދާނެ" ކަމަށެވެ.
ފަލަސްޠީނުން ހުށަހަޅަނީ އިޒްރޭލުން ވަގަށް ނަގާފައިވާ ފަލަސްޠީނު މީހުން ދޫކޮށްލުމަށާއި ދުވާލަކު ގާތްގަނޑަކަށް 300 އެއްހާ އިންސާނީ އެހީގެ ލޮރީތައް ޣައްޒާއަށް ވަނުމަށް ހުއްދަ ދިނުމަށެވެ.
ޔަހޫދީންނާއެކު ކުރެވޭ ކޮންމެ އެއްބަސްވުމަކީ ބީލާހަކަށް ނޫނީ ނުވާނެއެވެ!
