ސައްޔިދު ވަސީމް ރިޒްވީއަކީ މިހާރު ދީން ބަދަލުކޮށްފައިވާ ހިންދީއެކެވެ. އޭނާ ވަނީ އުއްތުރަ ޕްރަދޭޝްގެ ފައްޅިއެއްގެ ފާދިރީއެއްގެ އަތްމައްޗަށް ހިންދީއަކަށްވެ ނަން ބަދަލުކޮށްފައެވެ. ކުރީގެ ސައްޔިދު ވަސީމް ރިޒަވީއަކީ މިހާރު، ޖީތެންދުރަ ނަރަޔާން ސިންގ ތިޔާގީއެވެ.
ވަސީމް ރިޒްވީގެ ވާހަކަ ކުރިން ގެނަސްދީފައި ވާނީ ކީރިތި ޤުރުއާނުގެ ބައެއް އާޔަތްތައް އުނިކޮށް ދިނުމަށް އެދި އިންޑިއާގެ ސުޕްރީމް ކޯޓަށް އޭނާ މައްސަލައެއް ހުށަހެޅުމުންނެވެ.
އިންޑިއާގެ އުއްތުރަ ޕްރަދޭޝްގެ ޝިއާ ވަގުފު ބޯޑުގެ ކުރީގެ ރައީސަކީ އޭނާއާ މެދު މީހުންގެ މެދުގައި ޚިޔާލު ތަފާތު މީހެކެވެ.
ވަސީމް ރިޒްވީގެ ދައުވާ ބޭރުކޮށް ޖުރިމާނާ ކޮށްފި
އޭނާ ވަގުފު ބޯޑުގެ ރައީސަކަށް ހުރެގެން ފައިސާއާއި ވަގުފު ބިމަށް ޚިޔާނާތްތެރިވެފައިވާ ކަމަށް ފުރަތަމަ ތުހުމަތު ކުރެއްވީ ޝީއީ ދަންނަބޭކަލެއް ކަމަށް ކަލްބޭ ޖަވާދުއެވެ. އެއަށްފަހު އެ ބޯޑުން އޭނާ ވަކި ކުރިއެވެ. އަދި ފަހުން ބޯޑު އުވައިވެސް ލިއެވެ.
ރިޒްވީ ވަނީ އިސްލާމް ދީން ދޫކޮށްލުމުގެ ކުރިން ފައްޅީގައި ސަލާމާއި ސަލަވާތްލެއްވި ކރިތި ރަސޫލާއަށް އިހާނެތި ބަސްތައް ހިމެނޭ "މުޙައްމަދު"ގެ ނަމުން ފޮތެއްވެސް ލިޔެ ޝާއިއުކޮށްފައެވެ.
ވަސީމް ރިޒްވީއަކީ މަލްއޫނެއްކަމަށް މީހުން ސިފަކޮށްފި
އޭނާ ދީން ދޫކޮށްލި ޖަލްސާގައި އިއުލާން ކޮށްފައިވަނީ އޭނާ މަރުވުމުން ހިންދީންގެ ސަގާފަތާ އެއްގޮތަށް އޭނާ އަންދާލަ ދިނުމަށެވެ. އަދި އޭނާގެ ގަބުރު އަންދަންވާނީ އޭނާ އެމީހެއްގެ އަތް މަތިން ހިންދީ ދީން ގަބޫލުކުރި ފާދިރީ ކަމަށްވެސް ބުންޏެވެ.
ރިޒްވީ ދީން ދޫކޮށްލި ޖަލްސާގައި ބުނެފައި ވަނީ އިސްލާމް ދީނަކީ ދީނެއް ނޫން ކަމަށެވެ. އޭނާ ސިފަ ކުރީ އިސްލާމް ދީނަކީ ގުރޫޕެއްގެ ބަޔަކު ގަބޫލުކޮށްގެން އުޅޭ އަގީދާއެއް ކަމަށެވެ.
