ޕާކިސްތާންގެ ފައިސަލްއާބާދުގައި ޝިއީ މަޒުހަބުގެ ދަންނަބޭކަލަކު، ކީރިތި ޤުރުއާނުގެ ޞަފްޙާތައް ރޯކޮށްލި ކަމަށް ބުނެ، ހަވަރު އެއްވެގެން އުޅެނިކޮށް، ފުލުހުން ވަނީ ތުހުމަތު ކުރެވޭ މީހާ ސަލާމަތް ކޮށްދީފައެވެ. ފައިސަލްއަބާދުގައި ދީނަސް ފުރައްސާރަ ކުރިކަމަށް ތުހުމަތު ކުރެވިގެން މީގެ ކުރިން ސްރީލަންކަމީހަކު ދިރިހުއްޓާ އަންދަލާފައިވާއިރު، އިހައްދުވަހު އެހެން މީހަކު ވަނީ ގަހެއްގައި ބަނދެގެން އަނިޔާކޮށް މަރާލާފައެވެ.
ޤުރުއާނަށް އިހާނެތިކޮށް ހިތިކަމަށް ބުނި މީހަކު މަރާލައިފި
ޔޯލަ ވާހަކައަށް ބަރޯސާކޮށް މީހުން ވަނީ ލަޓިބުރިއާއި، އީނޓުބުރިތައް ހިފައިގެން ތުހުމަތު ކުރެވޭ މީހާގެ ގެ ވަށާލާފައެވެ.
ޑޯން ނޫހަށް މައުލޫމާތު ދެއްވަމުން ފުލުހުންގެ އިސްވެރިއަކު ވިދާޅުވީ، ފައިސަލްއާބަދުގައި ފުލުހުން މިހާރުވެސް އެލާޓް ކޮށްފައިވާ ކަމަށާއި، ފުލުހުން ވަނީ ތުހުމަތު ކުރެވޭ މީހާ ސަލާމަތްކޮށް، ސިއްރު ތަނަކަށް ބަދަލުކޮށްފައެވެ. އަދި އެ މީހާގެ އާއިލާގެ އެހެން މެމްބަރުން ވެސް ސަލާމަތީ ސަބަބުތަކަށްޓަކައި އެހެން ސަރަހައްދަކަށް ގެންގޮސްފައިވާ ކަމަށް ފުލުހުން ބުންޏެވެ.
ފުލުހުން މަސައްކަތް ކުރަމުންދިޔައީ އެ ސަރަހައްދުގެ ސުލްހަ މަސަލަސްކަން ކަށަވަރު ކުރުމަށް ހުރިހާ މަޒުހަބެއްގެ ދަންނަބޭކަލުންނާ ވާހަކަ ދައްކައި މަޝްވަރާ ކުރަމުންނެވެ.
މިއީ ނުވަ ހަފުތާގެ ތެރޭގައި ޕަންޖާބުގައި ދީނަށް ފުރައްސާރަ ކުރުމުގެ ތުހުމަތުގައި ހަވަރު އެއްވެގެން ދިން މިފަދަ ތިންވަނަ ހަމަލާއެވެ. ސްރީލަންކާގެ މެނޭޖަރު އަންދާލާފައި ވަނީ މިދިޔަ ޑިސެމްބަރު މަހުގެ 3 ވަނަ ދުވަހުއެވެ.
