ހުޅަނގުން ރަޝިޔާއަށް ބިރު ދައްކަމުންދާތާ ދުވަވސްތަކެއް ވެފައިވީ ނަމަވެސް ރަޝިޔާއާ ދެކޮޅަށް ވަރަށް ހަރުކަށި ފިޔަވަޅުތަކެއް އަދިވެސް އަޅާފައެއް ނުވެއެވެ.
ރަޝިޔާއާ ދެކޮޅަށް ފިޔަވަޅު އެދި އިނގިރޭސިން ވަނީ ޔޫކޭގައި އިންވެސްޓްކޮށްފައިވާ ޕުޓިންގެ ގާތް މީހުންނާއި އެމީހުންގެ ބެންކުތަކާ ދެކޮޅަށް ފިޔަވަޅު އަޅާފައެވެ.
ޖަރުމަންވިލާތުން ވަނީ ރަޝިޔާގެ ގޭސް ހޮޅީގެ މަސައްކަތް ކުރިއަށް ނުގެންދިއުމަށް ނިންމާފައެވެ.
ޔޫރަޕްގައި ބޭނުންކުރާ ގޭހުގެ 40 ޕަސެންޓަކީ ރަޝިޔާގެ ގޭހެވެ. އެމެރިކާއިން ވަނީ ގަތަރުން ޔޫރަޕަށް ގޭސް ފޯރުވައި ދިނުމަށް އެދި ޤަތަރުގެ އަމީރާ މީގެ ހަފްތާއެއް ކުރިން މަޝްވަރާ ކުރައްވާފައެވެ.
މިނޫން އިތުރު ފިޔަވަޅެއް މިވަގުތާ ހަމައަށް އަޅާފައެއް ނުވެއެވެ. އެކަމަކު ލަފާ ކުރެވޭ އިތުރު ފިޔަވަޅުތަކެއްވެސް އަދި ދިރާސާ ކުރެވެމުން އެބަދެއެވެ.
އޭގެ ތެރޭގައި ރަޝިޔާއިން ސުވިފްޓް ކޯޑް ކަނޑާލައި ދުނިޔޭގެ މާލީ ނިޒާމުން އެކަހެރިކޮށްލުމާއި ރަޝިޔާގެ ތެލާއި ގޭސް ބޭރުކުރުމަށް ހުރަސް އެޅުމާއި ރަޝިޔާގެ ވައިގެ ދަތުރުފަތުރަށް ހުރަސް އެޅުން ހިމެނެއެވެ.
އިތުރަށް ވިދާޅުވުމަށް: ސުއިފްޓް ކޯޑު ކަނޑާލުމުން ވާކީ ކިހިނެއް؟
މުހައްލިލުން ބުނާ ގޮތުން ރަޝިޔާގެ ރައީސްގެ ހަނގުރާމައިގެ އަމަލަކީ ކުރިންވެސް ލަފާ ކުރެވެން ޖެހޭނެ އަމަލެކެވެ. އެއީ ދުނިޔޭގެ ގައުމެއްގައި މާ ބާރުގަދަ ރައީސެއް ހުރެއްޖެނަމަ އޭނާގެ ވެރިކަން އިތުރު މުއްދަތަކަށް ދެންމުމަށް ނުވަތަ އަޖަލު ހަމަ ކުރުމަށް އެ ރައީސަކު އަޅާ ފިޔަވަޅަކީ ހަނގުރާމަ ފެށްޓުމެވެ. ސައްދާމު ހުސެއިން މިކަމުގެ ހެއްކަކަށް ފުދެއެވެ.
