ސްވިޑެން އާއި ފިންލޭންޑުން ވަނީ ހަނގުރާމައެއް ކުރަން ޖެހިދާނެ ކަމުގެ އިންޒާރު ރައްޔިތުންނަށް ދީފައެވެ. ރަޝިޔާގެ އަވަށްޓެރިން މި އިންޒާރު ދީފައި ވަނީ، އެމެރިކާއާއި ޔޫރަޕުން ޔުކްރެއިނަށް ހިތްވަރު ދީގެން ޕްރޮކްސީ ހަނގުރާމައެއް ފެށިތާ 3 އަހަރުވާން ކައިރިވެފައި ވަނިކޮށެވެ. ދެ ގައުމުންވެސް ވަނީ ރައްޔިތުން، ތައްޔާރަށް ތިބުމަށް އިލްތިމާސްކޮށްފަ އެވެ.
ނޯޑިކްގެ ގައުމުތަކަކީ ކުރިން ނޭޓޯގެ މެމްބަރުންނެއް ނޫނެވެ. ނަމަވެސް އެމެރިކާއިން ޔުކްރެއިން ލައްވައި ރަޝިޔާގެ ބޯޑަރު ސަރަހައްދަށް ކުރުވި ނުރައްކަލަށްފަހު އުފެދުނު ހަމަނުޖެހުމާ ގުޅިގެން ނޯރޑިކް ސަރަހައްދުގެ މި ދެ ޤައުމުން ވަނީ ކުރިން ގެންގުޅުނު ވަކި ފަރާތަކަށް ނުޖެހޭ ސިޔާސަތު ދޫކޮށްލައި ނޭޓޯއާ ގުޅިފައެވެ.
އިތުރަށް ކިޔާލުމަށް: ހަނގުރާމައަށް ތައްޔާރު ވަނީ ކޮންބައެއް؟
ގްރީސްވެސް ހަނގުރާމައަށް ތައްޔާރު ވަނީ
އެފްރިކާގެ މުލީގައި އިތިއޯޕިއާއާ ދެކޮޅަށް މިސްރު ތައްޔާރު ވަނީ
ޗައިނާ ސިފައިން ހަނގުރާމަިއެ ހާލަތަް ގެނަސްފި
ރޭނގަނޑުގެ ހަނގުރާމައިގެ ތަމްރީނަށް ޗައިނާ ސިފައިން ތައްޔާރު ކުރަނީ
އީރާންގެ ދިފާއީ ބަޖެޓް 200 ޕަސެންޓަށް ބޮޑުކޮށްފި
އިނގިރެސިންނާއި ޖަރުމަން 3 ވަނަ ބޮޑު ހަނގުރާމައަށް އެއްބަސްވެއްޖެ
އެމެރިކާއިން ޕެސިފިކް ޖަޒީރައިން ޗައިނާއަށް ހަމަލަ ދޭން އާބާތުރަ ފިލުވަނީ
ޖަޕާނާއި ޔޫރަޕުން އަސްކަރީ އެއްބަސްވުމަކަށް
އޮސްޓްރޭލިއާއިން އެމެރިކާގެ މިސައިލް ގަނެފި
ސްވިޑެންގެ ސިވިލް ކޮންޓިންޖެންސީސް އެޖެންސީ (އެމްއެސްބީ) ވަނީ ރައްޔިތުން ހަނގުރާމައިގެ ހާލަތަކަށް ތައްޔާރު ކުރުމަށް މައުލޫމާތު ދިނުމަށް އަތްމަތީ ފޮތެއްވެސް އެކުލަވާލާފައެވެ. (ފޮޓޯގައި) އެމްއެސްބީގެ ޑިރެކްޓަރު މައިކަލް ފްރިސެލް ވަނީ އަތްމަތީ ފޮތް ދައްކާލާފައެވެ.
ސްވިޑްން އިން ވަނީ ހަނގުރާމައެއް ހިނގުމުގެ ފުރުސަތު އޮތް ކަމަށް ބުނެ ނަފްސާނީ ގޮތުންނާއި ލޮޖިސްޓިކް ގޮތުން ތައްޔާރުވުމަށް ސްވިޑެންގެ ރައްޔިތުންނަށް ތަކުރާރުކޮށް އިލްތިމާސްކޮށްފަ އެވެ.
ދުނިޔެ ނާމާން ވުމާ ގުޅިގެން ސްވިޑްންއިން ވަނީ ރައްޔިތުން ސިފައިންގެ ތެރޭގައި ޚިދުމަތް ކުރުމަށްވެސް މަޖުބުރުކޮށްފައެވެ. އަދި އެއާއެކު ސްއިޑްންއިން ވަނީ ބޮމުން ރައްކާތެރިވުމަށް ބިންގަރާސްތައް އަލުން ހަދައި، ބޯފެނާއި ދަތުރުފަތުރުގެ އިންފްރާސްޓްރަކްޗާތައް ވަރުގަދަކޮށް ފައެވެ. އަދި ސިވިލް ޑިފެންސް މިނިސްޓްރީއެއް އުފައްދައި މިނިސްޓަރެއް އައްޔަންކޮށް، މިސްމީޑިއާގެ ދޮގު މައުލޫމާތާ ދެކޮޅަށް ހަނގުރާމަކުރުމަށް އަމާޒުކޮށްގެން ސައިކޮލޮޖިކަލް ޑިފެންސް އެޖެންސީއެއް ވެސް އުފައްދާފަ އެވެ.
ސްވިޑްންއާއި ފިންލެންޑުން ބަހަން ފެށި 32 ސަފުހާގެ ފޮތް "އިފް ކްރައިސިސް އޯރ ވާރ ކަމްސް" އަތްމަތީ ފޮތުގައި ހަނގުރާމައާއި ގުދުރަތީ ކާރިސާތަކާއި ސައިބަރ ނުވަތަ ޓެރަރިސްޓް ހަމަލާތަކަށް ތައްޔާރުވާނެ ގޮތުގެ މައުލޫމާތު ހިމަނާފައިވެއެވެ.
ދެ ގައުމުގެ ސަރުކާރުން ބުނެފައި ވަނީ ކުރިއަށް އޮތް ދެ ހަފްތާގެ ތެރޭގައި 5.2 މިލިއަން ގޭބިސީތަކަށް މި އަތްމަތީ ފޮތް ފޮނުވާނެ ކަމަށެވެ.
މިއީ ދެވަނަ ބޮޑު ހަނގުރާމައަށް ފަހު ފަސް ފަހަރަށް މާޒީގައި ސްވިޑެން އިން ނެރުނު އަތްމަތީ ފޮތެއްގެ ޒަމާނީ އިސްދާރެވެ.
ސިވިލް ޑިފެންސް މިނިސްޓަރު ކާލް އޮސްކާ ބޮހްލިން އަދި ސްވިޑްންގެ ކުރީގެ ޑިފެންސް ވެރިޔާ މައިކަލް ބައިޑަން ވެސް ވަނީ މީގެ ކުރިންވެސް ސްވިޑްން މީހުން ހަނގުރާމައގެ ހާލަތަކަށް ތައްޔާރަށް ތިބުމަށް ގޮވާލާފައެވެ.
ސްވިޑެން ހަނގުރާމައަކަށް ނުދާތާ ދެ ގަރުނަށް ވުރެ ގިނަ ދުވަސް ވެއްޖެ އެވެ.
ރައްޔިތުންނަށް ދޭ އިރުޝާދުތަކުގެ ތެރޭގައި ހަލާކު ނުވާ ބާވަތުގެ ކާނާ ރައްކާ ކުރުމަށާއި ފެން ސްޓޮކް ކުރުމާއި އަތުގައި ފައިސާ ބެހެއްޓުމަށާއި ބަގީޗާތަކުގައި މޭވާ އާއި ތަރުކާރީ އިންދުން ފަދަ ފިޔަވަޅުތައް ހަލުއިކޮށް އެޅުން ހިމެނެ އެވެ.
މި އަތްމަތީ ފޮތް ސްވިޑިޝް ބަހުންނާއި އިނގިރޭސި ބަހުން ޗާޕްކޮށްފައި ބަހަމުން ދެއެވެ. ނަމަވެސް އަރަބި، ފާރިސީ، ޔޫކްރޭން، ޕޮލިޝް، ސޯމާލީ ބަސްތަކުން ލިބެން ހުރީ ޑިޖިޓަލް ވާޝަންތަކެވެ.
ފިންލޭންޑަކީ ރަޝިޔާއާ އެކު 1،340 ކިލޯމީޓަރު (830 މޭލު) ބޯޑަރެއް ހިއްސާކުރާ ޤައުމެކެވެ. ފިލްނެންޑުން ދަނީ ރަޝިޔާއާއި ފިންލެންޑާ ދެމެދު 10 ފޫޓު އުސް އަދި މަތީގައި ކަށިނަރު ދެމި ފާރެއް ބިނާ ކުރަމުންނެވެ. މި ފާރު ނިމޭނީ 2026 ވަނަ އަހަރުގެ ނިޔަލަށެވެ.
